Organizata e njohur për të drejtat e njeriut, Amnesty International, tha të martën se Arabia Saudite e ka rritur numrin e ekzekutimeve në pjesën e parë të këtij viti pas një rënie si udhëheqëse e Grupit G20 vitin e kaluar.
Sipas këtij grupi, Arabia Saudite ka ekzekutuar së paku 40 persona nga janari deri në korrik të këtij viti, që është numër më i lartë se për tërë vitin e kaluar, shkruan Reuters, transmeton Gazeta Express.
Arabia Saudite më 2019 ekzekutoi numër rekord prej 185 personave, Komisioni për të Drejtat e Njeriut, i përkrahur nga shteti, tha në janar se ky shtet i ka pakësuar ekzekutimet për 85 për qind vitin e kaluar, me 27 persona të ekzekutuar.
Organizata Amnesty International tha se ekzekutimet kanë vazhduar menjëherë pasi Arabia Saudite e ka dorëzuar presidencën e Grupit G20 tek Italia dhe se nëntë persona i ka ekzekutuar vetëm në dhjetor të vitit 2020.
Sipas organizatës, ekzekutimet u kryen pas dënimeve që janë përcjellë me gjykime të padrejta, nën hijen e pretendimeve për torturë gjatë mbajtjen në ndalim paragjyqësor e të cilat kanë çuar në rrëfime të detyruara.
Ndonëse Arabia Saudite ka thënë se e ka larguar dënimin me vdekje për shumë krime të kryera nga personat e moshës së mitur, Amnesty tha se në qershor u ekzekutua një person për të cilin thuhet se ka kryer shkelje kur ka qenë nën moshën 18-vjeçare.
Kurti në Paris, fton kompanitë franceze që të investojnë në ...
Ëndërroni gjëra të bukura, përse është më mirë të flini në k...
Pse ndonjëherë kemi frikë nga përballjet?
Venezuelë, arrestohen pesë persona të akuzuar për komplot ku...
Janjiq: Luhatjet politike rreth njohjes së Kosovës të panevo...
Maqedonci: Armatosja e Serbisë, rrezik për stabilitetin në B...